“အမှတ်တမဲ့မှ…အမှတ်တရသို့…”

လူတိုင်းလူတိုင်းမှာ အပျော်ဆုံးနေ့တွေ ၀မ်းအနည်းဆုံးနေ့တွေ ဆိုတဲ့အမှတ်တရနေ့လေးတွေ ရှိတတ်ကြတယ်…။ အဲဒီလိုပဲကျွန်တော်မှာလဲ အမှတ်တမဲ့နေ့လေးအဖြစ်ကနေ အမှတ်ရဆုံးနေ့လေးတစ်နေ့ကို ကျွန်တော်မဖိတ်ခေါ်ဘဲ ကျွန်တော်ဘ၀ရဲ့တစ်ဆစ်ချိုးအချိန်တွေမှာ ခါးသီးစွာရင်ဆိုင်ခဲ့ရတဲ့နေ့ရက်တွေကို ကျွန်တော့်ရဲ့မွေးရပ်မြေလေးမှာ ဖြတ်သန်းခဲ့ရဘူးပါတယ်…။အခု ကျွန်တော်ဖြတ်သန်းနေရတဲ့ဘ၀က ကျွန်တော့်ရဲ့ငယ်အိပ်မက်တခု ဖြစ်ခဲ့သလို ကျွန်တော်ဘ၀မှာ အရေးပါဆုံး ကျွန်တော်ချစ်ခင်အလေးစားရဆုံးဖြစ်တဲ့ ကျေးဇူးရှင်သူငယ်ချင်း `အောင်နိုင်သူ´ရဲ့ ရည်ရွယ်ချက်ရည်မှန်းချက်တခုလည်းဖြစ်ခဲ့ပါတယ်…။အခုနေသာသူရှိနေခဲ့မယ်ဆိုရင်ကျွန်တော်ရပ်တည်နေရတဲ့နေရာ ကသူ့နေရာဖြစ်ကောင်းဖြစ်နေလိမ့်မယ်လို့ ကျွန်တော်ယုံကြည်မိပါတယ်…အဲဒီယုံကြည်မှု့တွေကလည်း ကျွန်တော်ငယ် ငယ်လေးထဲက အရိုးစွဲနေခဲ့ရတာပါ…။ သူရဲ့အရည်အချင်းတွေကို ကျွန်တော်ငယ်ငယ် လေးထဲကမယှဉ်နိုင်ခဲ့သလို အခုဆိုလည်းမှီနိုင်မယ်လို့မထင်ပါဘူး…။ ကျွန်တော့်ကို လူတော်တော်များများကပြောကြတယ် နာမည်လိုက်အောင် ပညာရေးလူ့မှု့ရေးရဲ့အောင်မြင်မှု့တွေ အကောင်းဆုံးဆိုတဲ့အရာတွေကိုပြီးပြည့်စုံအောင်ရနေတဲ့`ဘုန်းပြည့်စုံ´တဲ့လေ …။လူတွေချစ်တဲ့ အနုပညာရှင်တိုင်းမှာ ဘ၀မှာအကောင်းဆုံးတွေချည်းပဲ မဟုတ်ပဲ ခါးသီးမှု့တွေရှိတတ်ကြပေမယ့် ကျွန်တော်ရဲ့ဘ၀မှာတော့ချောက်ခြားမှု့တွေ နောင်တတရားတွေကကျွန်တော်ရဲ့နှလုံးသားထဲမှာ နေရာတော်တော်များ များကို အပိုင်စီးထားခဲ့တာ ကျွန်တော်ရဲ့မိသားစုကလွဲလို့ဘယ်သူတွေသိနိုင်မှာလဲ…အဲဒီ အဆုံးဝါးဆုံးသော ၀မ်းနည်းမှု့ တွေနောင်တတရားတွေကြောက်လန့်ချောက်ခြားမှု့တွေ ပြည့်နေတဲ့ အဲဒီနေ့လေးကို အစပျိုးစေခဲ့တဲ့တခုတည်းသောအ ကြောင်းအရင်းအချို့က… -------------------------------------------------- `အောင်နိုင်သူ.. ရှေ့ကိုခဏကြွှခဲ့ပါအုံး ' ….. ကျောင်းတက်ခေါင်းလောင်းထိုးလို့ နိုင်ငံတော်သီချင်းတွေဆို ဘုရားတွေ ရှိခိုးပြီးပြီဆိုရင် အတန်းပိုင်ဆရာမဆီမှ ပထမဆုံးကြားနေကြစကားကတော့`အောင်နိုင်သူ´ဆိုတဲ့နာမည်ပါပဲ…။ အဲဒါကလည်း ကျွန်တော်တို့အခန်းရဲ့အစဉ် အလာတခုလိုဖြစ်နေပါပြီ…။ကျွန်တော်တို့ ကျောင်းလေးကရွေဘိုမြို့လေးရဲ့လူကုံထန်အသိုင်းအ၀ိုင်းတွေပဲ ၀င်ဆံ့တဲ့ အထက်တန်းကျောင်းလေးတကျောင်းပါ…။ `ဟုတ်ကဲ့…´ `မင်း မနေ့က ကျောင်းဆင်းချိန် ကျော်စွာတို့နဲ့ ရန်ဖြစ်တယ်ဆို …´ `ဟို…အဲဒါကလေ…´ `မဟုတ်လို့လား…´ `ဟုတ်တော့ဟုတ်ပါတယ်ဆရာမဒါပေမယ့် သူတို့ကငဇွဲကို အနိုင်ကျင့်လို့ကျွန်တော်က ၀င်ရှင်းပေးတာပါ….´ ငဇွဲ လို့သူခေါ်နေကြ ကျွန်တော်ရဲ့ငယ်နာမည်ကို ဘယ်သူမှမခေါ်ကြသလို ကျွန်တော်ကိုယ်တိုင်ကလည်း မိသားစုမှ အပ သူခေါ်တာကိုပဲ နှစ်သက်ခဲ့တယ်…။ `အေးနင်မလဲ ပြောလိုက်ရင် အဲဒီလိုချည်းပဲ သူတို့ဘာသာဖြစ်တဲ့ပြသာနာ သူတို့ရှင်းမှာပေါ့ မင်းနဲ့ဘာဆိုင်လဲ အခုမင်းကစပြီးသွားထိုးတာတော့ မင်းလွန်တာမဟုတ်လို့ဘာလဲ…အရွယ်လေးကဖြင့် လက်တောက်လောက်ရှိသေး တယ် ထစ်ခနဲရှိမင်းပဲ ဟိုလူကိုရန်စလို့ ဒီလူကို အနိုင်ကျင့်လို့…ဘယ်သူနဲ့ဘာဖြစ်ပြီဆို မေးမနေနဲ့မင်းပါတာ သေချာပြီ …အဲလိုဖြစ်နေတာကို မင်းဂုဏ်ယူမနေနဲ့… မင်းကိုသူတို့က လူမိုက်ငှားနေတာ… မင်းကအဲဒါကို အကောင်းထင်ပြီး သိပ်သတ္တိကောင်းနေတယ်ဟုတ်လား…မင်းမိဘတွေကိုတော့ နည်းနည်းလေးမှမသနားဘူးလား သူတို့မှာကိုယ်အဆင့် နဲ့ကိုယ်မနေရဘူး ဟိုလူကိုတောင်းပန်ရ ဒီလူကို တောင်းပန်ရနဲ့… မင်းအဲဒါကိုကြည့်လို့ကောင်းနေလား…´ ဆရာမဆူနေတော့`အောင်နိုင်သူ´အပါအ၀င် ကျွန်တော်တို့အားလုံးလည်း စကားသံမဆိုထားနဲ့ ခြေထောက်တောင် နေရာမရွေ့ရဲကြတော့…။ကျွန်တော်ကြောင့်ဖြစ်ရတဲ့ပြဿနာမို့လို့ကျွန်တော်ကတော့အဆိုးဆုံးပဲပေါ့…။ `ငါမေးနေတယ်လေ…အဲဒါကောင်းလားလို့…ကျောင်းမတက်နဲ့ တက်တာနဲ့ နင့်ကိုစဆူရပြီစောစော စီးစီးငါလည်းဆူချင်တယ်ထင်နေလား…နင်တစ်ယောက်နဲ့တော့လေ…ကိုယ်ကိစ္စမဟုတ်လဲငြိမ်ငြိမ်နေပါလားဟယ်… နင့်မှာအဲလိုဝင်ရှည်တတ်တဲ့ အကျင့်လေးသာ မရှိရင်တော်တော်ကောင်းမှာ…´ ဆရာမပြောနေရင်းသက်ပြင်းချလိုက်တာကိုအားလုံးရိပ်မိလိုက်တယ်…။အမှန်ဆို`အောင်နိုင်သူ´ကိုတစ်ကျောင်းလုံးက ကျောင်းသူကျောင်းသားမရွေး ချစ်ခင်ကြသလို ဆရာဆရာမတွေလည်း ချစ်ကြပါတယ်…။အခုအတန်းပိုင်ဆရာမ ဒေါ်မမကြီးကိုယ်တိုင်လဲ သားအရင်းလိုချစ်တယ်ဆိုတာ သူကိုယ်တိုင်ရော အားလုံးပါသိပါတယ်…။ဆူစရာရှိရင်ဆူပြီး ပြီးတော့လည်း ပြီးသွားတာပဲပေါ့…။ `ဟုတ်ကဲ့…ကျွန်တော်နောက်မဖြစ်စေရပါဘူး…´ `အင်း…လာပြီ အဲဒီလက်သုံးစကားကို ဘယ်တော့အကောင်အထည်ဖေါ်မလဲ….´ `ဒီတခါ တကယ်ဖေါ်ပါပြီ ဆရာမ နောက်မဖြစ်စေရပါဘူး…´ သူတစ်ခါ အဆူခံရတိုင်း တခါပြောနေကြစကားမှန်းအားလုံးသိပေမယ့် အဲဒီစကားပြောနေတဲ့ သူ့မျက်နှာကို ကျွန်တော်အပါအ၀င်တစ်တန်းလုံးဝိုင်းသနားမိကြတယ်…။ဆရာမကိုယ်တိုင်လည်းသနားတယ်ဆိုတာသိသာပါတယ်…။အင်းပေါ့လေ…။ဖြစ်ခဲ့ပြသနာအားလုံးကသူကြောင့်မှမဟုတ်တာပဲဆိုတဲ့အသိရှိနေခဲ့တာကိုး…။အဲဒီတုန်းကရန်စရင်ပြန်မ ဖြစ်ရဲတဲ့ကျွန်တော်ရဲ့ရှေ့မှာ`အောင်နိုင်သူ´ကတော့ အမြဲမားမားမတ်မတ်ရပ်တည်ပေးနေကြပါ…။ အခုရှိနေမယ်ဆို လည်း ကျွန်တော်ရှေ့မှာပဲ အမြဲရပ်တည်ပေးမယ် ဆိုတာကို ကျွန်တော်ယုံကြည်မိပါတယ်…။ အမှန်ဆိုရင်ကျွန်တော်တို့ရဲ့အတန်းခေါင်းဆောင်လည်းဖြစ်လူတိုင်းချစ်တဲ့ `အောင်နိုင်သူ´မှာအကြီးမားဆုံးအပြစ်ဆိုလို့ မဟုတ်မခံတတ်တဲ့စိတ်လေးတခုပါပဲ…။တကယ့်ကိုအဲဒါလေးတခုပါပဲ…လူတော်လူကောင်းတစ်ယောက်လို့ပြောလို့ရတဲ့ သူကပညာရေးဘက်မှာရောလူမှုရေးဘက်မှာပါခြွင်းချက်မရှိလောက်အောင်တော်တဲ့လူပါ…။သူစကားဆိုိ ကြီးသူငယ်သူ မရွေးပါအလေးအနက်ထားပြီးနားထောင်တတ်ကြတယ်။ရက်ကွက်ထဲကလုပ်သမျှအလှူအတန်းတွေမှာသူမပါရင်မပြီး…။၉တန်းကျောင်းသားတစ်ယောက်ရဲ့အင်အားနဲ့မမျှအောင်အစစအရာရာစီမံခန့်ခွဲတတ်တဲ့လူတယောက်ပါ။ကျွန်တော် တုိ့မြို့စကားနဲ့ပြောရရင်မပါမပြီးတဲ့ ပါလေရာငါးပိချက်လေးပါ…။တစ်တန်းလုံး သူ့ကျေးဇူးကင်းတဲ့လူဆိုလို့ တော်တော် ရှားပါတယ် လူမှု့ရေးပြသနာမှာရော ပညာရေးကိစ္စမှာပါ တစ်ခု မဟုတ်တစ်ခုတော့ အကူအညီယူဖူးတဲ့ လူတွေပါပဲ…။ ကျွန်တော်ကိုယ်တိုင်လည်း သူ့ဆီကပညာရေးနဲ့ပတ်သက်လို့ရော လူမှု့ရေးနဲ့ပတ်သက်လို့ပါသူ့ကျေးဇူးတွေဆပ်မကုန် အောင်တင်ခဲ့ဖူးတယ်…။ကျွန်တော်တို့၈ တန်းနှစ်တုန်းကသင်္ချာအိုလံပစ်ပြိုင်ပွဲကိုတစ်မြို့နယ်တယောက်နှုန်းနဲ့အရွေးခံရ မယ်ဆိုတော့ အမြဲတမ်းအိမ်မက်မက်ခဲ့ရတဲ့ကျွန်တော်နဲ့`အောင်နိုင်သူ´က မြို့နယ်အထိစာမေးပွဲတွေမှာပြိုင်ဘက်မရှိ အောင်နိုင်ခဲ့တယ်…။ ဒါပေမယ့် ကျွန်တော်အတွက် ကံဆိုးခြင်းတစ်ခုက သူကပထမ ကျွန်တော်ကအရန်တဲ့ …။အစစ အရာရာကျွန်တော်ထက်သာပြီး ဖြတ်ထိုးဥာဏ်ကောင်းလွန်းလှတဲ့`အောင်နိုင်သူ´ကဘယ်တော့မှ ခြေချော်လက်ချော် မဖြစ်နိုင်ဘူးဆိုတာကျွန်တော်အသိဆုံးပါ…။အဲဒါကြောင့်စိတ်ဓါတ်ကျနေတဲ့ ကျွန်တော်ကိုကြည့်ပြီးကျွန်တော်ရဲ့မိဘတွေ လည်း စိတ်မကောင်းရုံမှအပ ဘာမှမတတ်နိုင်ခဲ့…။ကျွန်တော်အဖြစ်ကို အနီးကပ်မြင်နေရတဲ့`အောင်နိုင်သူ´ကတစ်နေ့ သော ညနေကျောင်းဆင်းချိန်မှာ ကျွန်တော်ရဲ့မရဲတရဲမျှော်လင့် ချက်လေးကို အကောင်အထည်ဖော်ပေးခဲ့တယ်…။ `ဟေ့ကောင်…မင်းအခုတလောဘာဖြစ်နေတာလဲမျက်နှာကြီးကလဲ မျောက်အို ကြီးကြနေတာပဲ…´ သူပြောလိုက်တဲ့စကားကို ကျွန်တော်ကြားကြားချင်းစိတ်တိုသွားတာတော့အမှန်ပါ… ကျွန်တော်ဘာဖြစ်နေတယ်ဆိုတာ သူအသိဆုံးပါ…။ `ဘာမှမဖြစ်ပါဘူးကွာ…မင်းရောအားလုံးအဆင်သင့်ပဲလား…´ `ဘာကိုအဆင့်သင့်ရမှာလဲ…ငါကဘယ်သွားမှာမလို့လဲ….´ `မင်းနောက်နေတာလား…´ `ဘာကိုနောက်ရမှာလဲ…မင်းကိုယ်တိုင်ကရောဘာဖြစ်နေတာလဲ ဘာလဲ ဂျပန်သွားရမှာမလို့ဘ၀င်မြင့်နေ တာလား…´ သူ့စကားကိုကြားလိုက်တုန်းက ကျွန်တော်အသက်ရှုရပ်သွားလောက်အောင် ဖြစ်ခဲ့မိတာပါ…။ `ဟေ့ကောင် မင်း ငါကိုရွဲ့နေတာလား…´ `ငါက ဘာလို့ရွဲ့ရမှာလဲ ငါပြောတာမှားလို့လား မင်းနဲ့ငါကိုရွေးထားတာ ငါမသွားရင် မင်းသွားရမှာပဲလေ အဲဒါငြင်းလို့မှမရတာ…´ `ဘာ…မင်းဘာပြောလိုက်တယ်…ငါကိုပြန်ပြောပါအုံး…´ `သြော် မင်းကရစ်နေပြန်ပြီ ငါမသွားဘူးဆိုရင် မင်းသွားရမှာလေ ဘာလဲ မင်းကမသွားချင်လို့လား…´ သူမျက်လုံးကိုသေချာကြည့်ပြီး သူပြောတဲ့စကားကိုသေချာနားထောင်နေမိတယ်…။သူကျွန်တော်ကို ရန်စပြီးရွဲ့ပြောနေ တာမဟုတ်မှန်း ပြီးတော့…သူ့မျက်လုံးတွေရိုးသားနေမှန်း ကျွန်တော်သိပါတယ်…။ `မင်း…မင်းကဘာလို့မသွားရမှာလဲ…´ ကျွန်တော် မရဲတရဲနဲ့ပြန်မေးတော့ ကျွန်တော်ကိုလှမ်းရိုက်လိုက်ပြီး သူပြောလိုက်တဲ့စကားလေးက ရိုးရိုးလေးပါပဲ… `မသွားချင်လို့ပေါ့ကွာ…ငါအဲဒါတွေဝါသနာမပါဘူး…´ သူနောက်ဆက်တွဲပြောလိုက်တဲ့စကားကတော့ ဘယ်လိုမှအမှန်မဟုတ်မှန်းသိသာပါတယ်…။ဒီလောက်စာမေးပွဲတွေကို ရင်ဆိုင်လာပြီးမှ သူက၀ါသနာမပါလို့တဲ့လား ဘယ်လိုမှမဖြစ်နိုင်ပါဘူး…။ `ဘာ…၀ါသနာမပါဘူး…ဟုတ်လား…´ `အင်းလေ ငါကအစထဲကဲဂျပန်သွားချင်လို့ဝင်ဖြေတာမှမဟုတ်တာ ငါစာမေးပွဲတွေကိုသဘောကျလို့ဝင် ဖြေတာ…ပြီးတော့ငါ့အိမ်အကြောင်းလဲသိရဲ့သားနဲ့သူတို့ကပထမရရင်ပြီးရောကျန်တာငါ့သဘောပဲလေအခုငါကမသွား ချင်ဘူးလို့ပြောတော့ သူတို့နည်းနည်းဆူရုံပဲပါပဲ ပြီးတော့လဲပြီးသွားမှာပေါ့…´ သူစကားတွေကို ကျွန်တော့်နားနဲ့ကြားတာသာမဟုတ်ခဲ့ရင် ဘယ်လိုမှ ယုံနိုင်စရာမရှိပါဘူး...။ ကျွန်တော်တို့နှစ်က ယောက်ျားလေးပဲလွှတ်တဲ့နှစ်ပါ ပြီးတော့ ကျွန်တော်အရမ်းသွားချင်တဲ့ဂျပန်ကိုသွားရမယ့်နှစ်ပါ…။အဲဒါကိုသူကမသွား ချင်ဘူးတဲ့လား ၀ါသနာမပါဘူးတဲ့လား ဘယ်လိုမှမဖြစ်နိုင်ပါ…။ `ဟေ့ကောင် မင်းဟာကမဟုတ်သေးပါဘူး ငါတို့ငယ်ငယ်လေး ထဲက ဒါကိုပဲ တွေးပြီးစိတ်ကူးယဉ်ခဲ့ကြတာပဲ လေအခုမှ မင်းကကောက်ခါငင်ကာဝါသနာမပါတော့ဘူးဆိုတော့ ငါမယုံဘူး မင်းဘာတွေးတယ်ဆိုတာ ငါသိတယ်နော် …ဟေ့ကောင် မင်းအဲလောက်သူတပါးကိုစာနာပေးစရာမလိုဘူး ငါညံ့လို့ငါမသွားရတာ ဘာဖြစ်လဲ ငါယောက်ျားပါ အဲလောက်တော့ခံနိုင်ရည်ရှိပါတယ် ငါ့အတွက်နဲ့ မင်းရဲ့မျှော်လင့်ချက်တွေကိုမဖျက်စီးပါနဲ့ကွာမင်းအိမ်မက်ကိုမင်းအသိ ဆုံးဖြစ်သလို ငါလည်းသိတယ်…´ ကျွန်တော်ပြောလိုက်တဲ့ စကားတွေကြောင့် သူအနည်းငယ်မျက်နှာပျက် သွားပေမယ့်ချက်ချင်းပဲ…။ `ငဇွဲ မင်းမှားနေပြီ အဲဒါငါဟိုးငယ်ငယ်တုန်းက သူများတွေသွားတယ်ဆိုလို့ သွားချင်ရုံပဲ အဲလောက်မရူးသွပ် ဘူးပြီးတော့ ငါ့အကြောင်းလည်းမင်းသိပါတယ် ငါကဆုံးဖြတ်ပြီးပြီဆိုရင် ဘယ်တော့မှနောင်တမရတတ်ဘူး အဲတော့ ငါဆုံးဖြတ်ချက်ကိုပြောပြီးပြီ အဲဒါမှမင်းလဲမသွားချင်ဘူးဆိုရင်တော့ သဘောပဲလေ…´ ဖြစ်မှဖြစ်ရလေသူငယ်ချင်းရယ်…။မင်းရင်ထဲမှာဘယ်လောက်တောင်ဝမ်းနည်းနေလိုက်မလဲဆိုတာငါကိုယ်ချင်းစာကြည့် လို့ရပါတယ် မင်းဘာလို့ငါ့အပေါ်မှာအဲလောက်ကောင်းရတာလဲကွာ ကိုယ်ဖြစ်ချင်တာထက် သူများကိုပဲ ကြည့်တတ်တဲ့ မင်းရဲ့စိတ်ဓါတ်မျိုးကိုငါလည်းအားကျလိုက်တာ သူငယ်ချင်းရယ် ဒါပေမယ့် ငါ့စိတ်ဓါတ် မင်းလောက်မြင့်မြတ်နိုင်ပါ့ မလားကွာ…။ `ဟေ့ကောင် မင်းသေချာပြန်စဉ်းစားပါအုံးကွာ ဒါလူတိုင်းရနိုင်တဲ့အခွင့်အရေးမဟုတ်ဘူး ပြီးတော့ဒီတခါပဲရ မှာနော် နောင်နှစ်တွေဆိုတာလည်း မရှိနိုင်ဘူး…´ `ငါသိပါတယ်ကွာ ငါမသွားချင်တာကို ဘယ်လိုလုပ်မလဲ…ကဲပါ မင်းကိုရှင်းပြရတာနဲ့ ငါဗိုက်ဆာတာတောင် မေ့တော့မလို့ ဦးပြောင်ကြီး ဆိုင်မှာဒုတ်ထိုးသွားစားမလို့ မင်းကိုလှမ်းခေါ်တာလာသွားမယ်…´ သူပြောပြီးတော့ ဆိုင်ကယ်ကို ဆက်မောင်းသွားတော့ ကျွန်တော်လဲ ဘာမှပြန်ငြင်းချိန် ပြောချိန်မရလိုက်ပဲနဲ့ သူ့နောက်ကိုလိုက်သွားရတော့တယ်..။ ဆိုင်ရောက်တော့ နေရာနှစ်နေရာစာလွတ်နေလို့တော်သေးတယ်…။ အခုမှမစားဖြစ်တော့တဲ့ ၀က်သားဒုတ်ထိုးကို ကျွန်တော်တို့နှစ်ယောက်ရဲ့ အကြိုက်ဆုံးအစားအစာပါ ရွေဘိုမြို့ကြီးထဲမှာ ဆိုင်တွေဘယ်လောက်များ များရှိရှိ ကျွန်တော်တို့အမြဲစားဖြစ်တဲ့ဆိုင်က ဦးပြောင်ကြီးရဲ့ဆိုင်ပါ…။ဒီတခါအလုပ်လုပ်နည်းနည်းပါးသွားရင်တော့ မွေးရပ်မြေ လေးကိုပြန်ပြီး သူနဲ့ထိုင်တတ်တဲ့ဆိုင်လေးတွေတော်တော်များများကျွန်တော် အလွမ်းပြေသွားကြည့်ဖြစ်အုံးမှာပါ…။ -------------------------------------------------- အဲလိုနဲ့ `အောင်နိုင်သူ´မသွားပဲ အနစ်နာခံပေးတဲ့ ဂျပန်ခရီးစဉ်ကို ကျွန်တော်သွားဖြစ်ခဲ့တယ်…။ကျွန်တော်ပြန်ရောက် လာတော့`အောင်နိုင်သူ´အိမ်ကိုအရင်ဆုံးသွားခဲ့တော သူ့ကိုမြင်မြင်ချင်း စိတ်မကောင်းဖြစ်မိသွားတယ်…။ကျွန်တော်မ သွားတုန်းကနဲ့အခုတ၀က်လောက်ကွာသွားတဲ့သူ့ခန္ဓာကိုယ်ကိုကြည့်လိုက်ရုံနဲ့သူဘယ်လောက်စိတ်ပင်ပန်းနေခဲ့ရလဲဆို တာကျွန်တော်သိလိုက်ရတယ်…။ `ဟေ့ကောင် မင်းဘယ်တုန်းကရောက်လဲ…´ `အခုပဲ ငါမင်းဆီကိုအရင်ဆုံးလာတာ မင်းပိန်သွားလိုက်တာကွာ ဘာလို့လဲနေမကောင်းဘူးလား…´ `ကောင်းပါတယ် ဘာဖြစ်နေလို့လဲ…နေအုံးငါ့အတွက်ဘာပါလဲ …´ `ဒီမှာ…မင်းတခုခုတော့ဖြစ်နေပါတယ် ငါ့ကိုပြောပါကွာ…´ သူတခုခုဖြစ်နေမှန်း ကျွန်တော်သေချာပြောရဲပါတယ်…ဒါပေမယ့်သူကတော့…။ `ကဲပါ ပေးမှာသာပေစမ်းပါ ဘာမှမဖြစ်ပါဘူးဆို လာဟိုမှာသွား ထိုင်မယ်…´ ကျွန်တော်သူ့အိမ်ကိုသွားလည်ရင် သူ့အခန်းထဲကိုအမြဲခေါ်နေကြ အခုတော့ ခြံထဲကခုံမှာထိုင်ရအောင်ဆိုတော့ ကျွန်တော်အလွန်အံသြနေမိတယ်…။ `ဟာမိုက်တယ်ကွာ…မင်းတောင်တော်တော်အမြင်ရှိလာပြီပဲကို …´ သူ့အတွက်ဝယ်လာတဲ့အ၀တ်တွေဖြန့်ကြည့်ပြီးပြောနေတဲ့သူ့မျက်နှာမှာအရင်လိုတတ်ကြွမှု့တွေမရှိတော့တာကို ကျွန် တော်ကောင်းကောင်းကြီးရိပ်မိပါတယ်…။အဲဒီနေ့က သူ့အိမ်မှာ လေးနာရီလောက်ထိုင်နေပေမယ့် သူ့အခန်းထဲကိုလုံးဝ မခေါ်ခဲ့…။ဘာလို့လဲဆိုတဲ့အဖြေကိုကျွန်တော်သိပ်မကြာခင်မှာသိလိုက်ရတယ်…။ဘယ်လိုမှထင်မထားတဲ့ အဖြေဖြစ်နေ လို့ ကျွန်တော်ဘာမှပြန်မမေးဖြစ်တော့ပဲပြောပြတဲ့ဖေဖေကိုဆွံအစွာနဲ့ကြည့် နေမိတယ်…။ `သား အရမ်းလည်းစိတ်မကောင်းမဖြစ်ပါနဲ့ကွာ…´ ဖေဖေပြောလိုက်တဲ့စကားသာ အခြားတယောက်ကပြောရင် ကျွန်တော်ဘာပြန်လုပ်မိမလဲတောင်မသိပါဘူး…။ ပြောရက်လိုက်တာဖေဖေရယ် စိတ်မကောင်းမဖြစ်ပါနဲ့ဟုတ်လား…။ကျွန်တော်ဘာမှ ပြန်မပြောဖြစ်ခဲ့ပဲကျွန်တော်အခန်း လေးထဲမှာအားရပါးရအော်ငိုဖြစ်ခဲ့မိတယ်…ဖြစ်မှာဖြစ်ရလေသူငယ်ချင်းရယ်မင်းလို လူမျိုးမှာမှဖြစ်ရလားကွာ…။ဖေဖေ ပြောလိုက်တဲ့`အောင်နိုင်သူ´မှာသွေးကင်ဆာဖြစ်နေပြီဆိုတဲ့စကားကိုကျွန်တော်ဘယ်လိုမှလက်မခံနိုင်လောက်အောင် ဖြစ်ခဲ့ရတယ်…။ ဒါပေမယ့်လည်းအဲဒါကအမှန်တရားတဲ့…။ဒီလိုဖြစ်နေတာတောင် သူသွားချင် ခဲ့တဲ့ဂျပန်ကိုမသွားပဲ ကျွန်တော်ကိုစိတ်ချမ်းသာအောင်လုပ်ပေးခဲ့သေးတယ်…။`ငါမသိလို့ပါ သူငယ်ချင်းရယ်…ငါတောင်းပန်ပါတယ်…´ ကျွန်တော်အဲဒီနေ့ညကတရေးမှအိပ်မရခဲ့ပါဘူး…။ကျွန်တော်တောင် ဒီလိုဖြစ်နေရင်သူ့မိဘတွေဘယ်လိုများနေမလဲဆို တာကျွန်တော်ကိုယ်ချင်းစာလို့ရပါတယ်…။ ကျွန်တော်သူ့အတွက်ခံစားနေတာတွေ မပြီးသေးခင်မှာကျွန်တော်ဘ၀ရဲ့ ဘယ်တော့မှ မမေ့နိုင်တဲ့နေ့လေးကိုအလျှင်အမြန်ရောက်လာခဲ့တယ်…။အဲဒီနေ့က ကျွန်တော်နဲ့`အောင်နိုင်သူ´နှစ် ယောက်သားကျောင်းလာရင်း သူဝယ်စရာရှိလို့ဆိုပြီး စာရေးကိရိယာဆိုင်လေးမှာ ကျွန်တော်တို့ရပ်လိုက်တယ် အဲဒီမှာ ကျွန်တော်ကိုအမြဲတမ်းရန်စနေတဲ့ကျော်စွာတို့အဖွဲ့ရိုနေမယ်ဆိုတာ ကျွန်တော်တို့သာကြိုသိနေခဲ့ရင်ဘယ်လောက်များ ကောင်းလိုက်မလဲ…။ ဖြစ်ချိန်တန်လို့လို့ဆိုပေမယ့် ကျွန်တော်စိတ်ထဲမှာတော့ မဖြစ်သင့်ဘဲဖြစ်လိုက်ရတယ်လို့ထင်နေ တုန်းပါပဲ…ပြီးတော့ကျွန်တော့်ပယောဂမကင်းဘူးလို့လဲခံစားနေရဆဲပါ…။ကျော်စွာတို့ဆိုတာကျွန်တော်ကိုသာမကျေနပ် ကြတာပါ`အောင်နိုင်သူ´အပေါ်မှာတော့ဘာရန်ငြိုးမှမရှိခဲ့ပါဘူး…။ဒါပေမယ့်လည်း ကျွန်တော်ကိုရန်စလို့ ကျွန်တော်မ တုံ့ပြန်တိုင်း သူကတော့ဘာရန်ငြိုးမှမရှိပဲ အနိုင်ကျင့်တာသက်သက်လို့ပြောပြီး ဘယ်တော့မှသည်းမခံတတ်…။ အဲဒီတုန်းက ကျွန်တော်တို့ မမြင်ချင်ယောင် ဆောင်နေပေမယ့် သူတို့က… `ဟေ့ကောင် ငကြောင် ဘယ်လိုလဲ ဂျပန်မှာ အိမ်သာဆေးခဲ့ရ တာပျော်လား…´ ကျွန်တော်ကဘာမှပြန်မပြောပဲငြိမ်နေပေမယ့်မဟုတ်မခံစိတ်ဓါတ်ရှိတဲ့သူကတော့ထုံးစံအတိုင်းဝင်ဖြေရှင်းပေးနေသည်…။အဲဒီနေ့ကသာသူကျွန်တော့်ဘ၀ထဲကထွက်သွားခဲ့မယ်မှန်းသိရင် ကျွန်တော် ကျော်စွာ တို့ပဲဖြစ်ဖြစ်ဘယ်သူပဲဖြစ်ဖြစ် ဒူးထောက်တောင်းပန်ပြီး ရန်ပွဲကိုဟန့်တားဖြစ်ခဲ့မှာပါ…။ဒါမှမဟုတ် ကျော်စွာတွန်းလိုက်တဲ့နေရာမှာ မင်းမဟုတ်ပဲ ငါသာဖြစ်လိုက်ပါတော့လို့ အခုထိဆုတောင်းမိတုန်းပါသူငယ်ချင်းရယ်…။ အခုတော့သူငယ်ချင်းကောင်းဆိုတာဘယ် လိုမျိုးလဲဆို တာ မင်းအသက်နဲ့ ရင်းပြီးငါလို့သတ္တိနည်းခဲ့တဲ့ကောင်ကိုပြသွားပေးခဲ့တာကိုး….။ `ဟေ့ကောင်တွေ မင်းတို့အေးဆေးနေပါကွာ ရန်မစပါနဲ့ ငါရန် မဖြစ်ချင်ဘူး´ `အောင်နိုင်သူ´၀င်ပြောလိုက်ပေမယ့်လည်း သူတို့ကလည်းငြိမ်မနေပဲ… `ဟေ့ကောင်`အောင်နိုင်သူ´ငါတို့မင်းကိုမပြောဘူးလေ မင်းက ဘာလို့ဒီကောင်ဘက်က၀င်ပါနေရတာလဲ…´ `သူက ငါ့သူငယ်ချင်းလေ ပြီးတော့မင်းတို့ရန်စတာ ဗလိုင်းကြီးကိုးကွ…´ `ဟေ့ကောင်…မင်းစကားကိုကြည့်ပြောရင်ကောင်းလိမ့်မယ်ငါတို့ကအလကားရန်စတာမဟုတ်ဘူးမင်းကောင်မဟုတ်လို့ပြောနေတာ …´ `ဘာမဟုတ်တာလဲ…´ ကျွန်တော်လက်တို့ပြီးထိန်းနေပေမယ့် သူဆက်ပြီးပြောနေတုန်းပါပဲ… `မင်းမသိလို့လား ဒီကောင်က ကောက်ရိုးပုံစောင့်တဲ့ခွေးလေ… မင်းလည်းသူ့နဲ့ ပေါင်းတာကြည့်ပေါင်း တော်ကြာ ခွေးနဲ့သူငယ်ချင်းလုပ်နေကောင်လို့ပြောနေကြအုံးမယ်´ `ဟေ့ကောင် မင်းမစော်ကားနဲ့နော်...´ ကျွန်တော်မနေနိုင်လို့ ၀င်ပြောလိုက်တော့… `တွေ့လား မင်းကောင်တောင်ဟုတ်လုိ့နာနေပြီ…´ `ကျော်စွာ မင်းပြောချင်တာကိုငါ့ကိုပြော ငါရှင်းပေးမယ်…´ `မင်းကောင်နဲ့ မျက်ခြယ်နဲ့ကဘာလဲ…´ သြော် မျက်ခြယ်ရဲ့ ကိစ္စနဲ့ပတ်သက်လို့ကျွန်တော်ကိုတချိန်လုံးရန်စနေခဲ့တာကိုး…။ `ဘာမှမဟုတ်ပါဘူး…ငဇွဲမင်းနဲ့မျက်ခြယ်နဲ့ကဘာမှမဟုတ်ဘူးမလား…´ မျက်ခြယ်ဆိုတာသူစိမ်းမိန်းကလေးထဲမှာ ကျွန်တော်သံယောဇဉ်ရှိရတဲ့ ကျွန်တော်ရဲ့သူငယ်ချင်းပါပဲသူတို့ထင်သလို ကျွန်တော်နဲ့ဘာမှမပတ်သက်ရပါဘူး…။ဒါပေမယ့် မျက်ခြယ်ကသူတို့ကိုဘယ်လိုပြောထားမှန်း မသိတော့…။ `မျက်ခြယ်က မင်းတို့ကိုဘာပြောလို့လဲ…´ `ငါမေးတာပဲဖြေပါ မင်းတော်တော်ရှည်တဲ့ကောင်ပဲ…´ `မဆိုင်ဘူး ဘာမှကိုမဆိုင်တာ မျက်ခြယ်ဆိုတာ ငါရဲ့သူငယ်ချင်းတွေထဲကတယောက်ပဲ´ `အေး အဲဒါဆိုငါသူ့ကိုစာလိုက်ပေးတုန်းက မင်းကကန့်လန့်ကန့်လန့် ဘာဝင်လုပ်တာလဲရှောင်နေပါလား… ငကြောက်ကသူရဲကောင်းဝင်လုပ်တော့ မျက်စိဆံပင်မွှေးဆူးတာပေါ့ကွာ…´ `ဟေ့ကောင် မင်းစကားကိုကြည့်ပြောရင်ကောင်းမယ်…´ `မပြောတော့ဘာလုပ်ချင်လဲ ငကြောက်နဲ့ရောဂါသည်ကများ ငါကိုအမိန့်ပေးလို့ရမယ်ထင်လား…´ သည်းခံခဲ့သမျှဒေါသတွေအခုတော့ဘယ်လိုမှ သည်းမခံနိုင်တော့ပါ ကျွန်တော်ကိုပြောတဲ့စကားထက်သူကိုပြောတဲ့ စကားက ရင်နာစရာ ကောင်းလွန်းပါတယ်…။ `ဟေ့ကောင် မင်းတို့မိုက်ရိုင်းလိုက်တာ ဘာစကားပြောတာလဲ´ သူတို့ရန်စရင်ဘယ်တော့မှ ဒေါသနဲ့မရှင်းတတ်တဲ့ ကျွန်တော်အခုတော့မရတော့ပါ…သူတို့ပြောတဲ့စကားကိုဘယ်လိုမှ သည်းမခံနိုင်ပဲ ကျော်စွာရဲ့ ပုခုံးကိုစတွန်းလိုက်မိတယ်…။ `ဟေ့ကောင် မင်းတို့နှစ်ယောက်တော့လားကွာ…´ အခြေအနေတွေအဲဒီမှာပိုဆိုးကုန်တော့တယ်…။ငါးယောက်နဲ့နှစ်ယောက်ချတိုင်းအမြဲနိုင်နေကြဖြစ်ပေမယ့် ဒီတခါတော့ သူနေမကောင်းတဲ့အခံကြောင့်နှစ်ချက်လောက်နဲ့လဲကျချင်နေပြီ…။ကျွန်တော်လည်း တတ်သမျှမှတ်သမျှပညာနဲ့ပြန်ချ နေတုန်း…ကျော်စွာတွန်းလိုက်အရှိန်ကြောင့်`အောင်နိုင်သူ´လဲသွားရာမှပြန်ထမလာတော့…။ကျွန်တော်ချနေရင်းပြေးထူ လိုက်တော့မှ… `သွေးတွေ လုပ်ပါအုံး…ဟေ့ကောင် သူငယ်ချင်း´ ကျွန်တော်အော်လိုက်တော့ဆိုင်ရှင် အဘွားကြီးပြေးထွက်လာပြီး…။ `ဟော့တော့ကိုယ်ကျိုးတော့နည်းပါပြီတော်ငါ့ဆိုင်ကကောင်လေးကိုလူတွေသွားခေါ်ခိုင်းထားတယ်…ငါလည်းဘာလုပ်ပေးရမှန်း မသိဘူး ကြည့်ပါအုံးသေလားရှင်လား ဟဲ့လူမဆန်တဲ့ကောင်တွေမပြေးနဲ့လေ´ ဆိုင်ရှင်အဘွားအော်နေတာကိုကြားပေမယ့်ကျွန်တော်ဘာကိုမှပြန်မပြောနိုင်ပါ…။တကယ်ဆိုတွန်းလိုက်လို့လဲကျသွားတဲ့နေရာမှာသစ်ငုတ်ရှိနေမှန်း သူကိုယ်တိုင်းလည်းမသိတန်ကောင်းပါဘူး…။ဒါပေမယ့်လည်း… `သူငယ်ချင်း ဟေ့ကောင်ဘာမှမဖြစ်ဘူးနော် စိတ်တင်းထားအဘွားလူတွေခေါ်ခိုင်းထားတယ်…မင်းဘာမှ မဖြစ်စေရဘူး ကြားလား´ ကျွန်တော်ပြောနေတာတွေကိုသူကြားပေမယ့်ဘာမှပြန်မပြောနိုင်တော့ပါ…။သူ့ကိုယ်ကသွေးတွေကလည်းကျွန်တော်တို့နှစ်ယောက်လုံးရဲ့ကျောင်းအင်္ကျီကိုအဖြူရောင်ကနေအနီရောင်ဖြစ်အောင်ပြောင်းလိုက်သလိုပါပဲ…။ကျွန်တော်မျက် ရည် တွေသူ့ပါးပြင်ပေါ်ကျသွားတော့ကျွန်တော် လက်ကိုလှမ်းကိုင်လိုက်ပြီး ခေါင်းကိုဖြေးဖြေးလေးခါပြလိုက်ပြီးမျက်လုံး ခွံလေးကိုပဲမှိတ်ပြနိုင်တော့တယ်။သိပ်မကြာလိုက်ပဲ ကားတွေရောလူတွေပါ အနားရောက်လာတော့တယ်။လာတဲ့လူ တွေထဲမှာသူ့မိဘတွေလည်းပါလာပြီး ကျွန်တော်ရင်ခွင်ထဲကသူ့ကိုဆွဲထုတ်သွားလိုက်ကြတာအခုထိပါပဲလေ...။ -------------------------------------------------- တယောက်တပေါက်မေးကြတဲ့ပြောကြတဲ့စကားတွေနားထဲမှာကြားနေပေမယ့်ဘာမှမသဲကွဲတော့… ကားထွက်သွားရာ နောက်ကို အပြေးအလွှားလိုက်ရင်း...။ `အောင်နိုင်သူ…မင်းဘာမှမဖြစ်ရဘူးနော်…ဘာမှဖြစ်လို့မရဘူးနော်…မင်းဘာမှမဖြစ်လိုက်ပါနဲ့ကွာ…´ `သား…သားအိမ်မက်ဆိုးတွေမက်ပြန်ပြီလား…´ မေမေလှုပ်နိုးလိုက်တော့မှ ကျွန်တော် မက်နေကြအိမ်မက်ဖြစ်နေမှန်းသတိထားလိုက်မိတယ်…ကျွန်တော်ရှုတင်ကပြန် လာပြီးသူ့ကြောင်းတွေးရင်းအိပ်ပျော်သွားတာဖြစ်မယ်…။ `ဟုတ်တယ်မေမေ…´ `သားရော့ ဒါလေးသောက်လိုက်နော် ဘာမှတွေးမနေနဲ့တော့ မနက်လည်းအစောကြီးထရအုံးမှာမလား အိပ်လိုက်တော့နော် မေမေ သားအိပ်ပျော်တဲ့အထိစောင့်နေပေးမယ်လေနော်…´ `ဟုတ်´ သူငယ်ချင်းရယ်မင်းသာအဲဒီတုန်းကဘာမှမဖြစ်ခဲ့ရင်ငါတို့နှစ်ယောက် ဘယ်လောက်များ ပျော်စရာကောင်းလိုက်မလဲ… မင်းဘယ်ဘ၀ရောက် ရောက်ဒီလိုအဖြစ်မျိုးတွေနဲ့မကြုံပါစေကွာ…။ မင်းအပေါ်အမြဲတမ်း အနစ်နာခံတတ်တဲ့ လူတွေနဲ့ပဲဆုံရပါစေကွာ…။ကျွန်တော်ရခဲ့တဲ့ နောင်တမျိုးစိတ်ဒဏ်ရာမျိုး ဘယ်သူမှမရကြပါစေနဲ့…။အမှတ်တမဲ့သတိမ ထားလိုက်မိတဲ့အဖြစ်လေးကနေ အမှတ်တရရစရာတွေကြုံလာရရင် ကောင်းသောအမှတ်တရလေးတွေပဲဖြစ်ပါစေလို့ ဆုတောင်းရင်းကျွန်တော်ရဲ့ကိုယ်တွေ့အဖြစ်လေးကနေကျွန်တော်ရဲ့ပရိတ်သတ်တွေဆီကိုရင်ဖွင့်ပါရစေ…။အားလုံး စိတ်ချမ်းသာလို့ကိုယ်ကျန်းမာကြပါစေ…။ -------------------------------------------------- ၉.၁၁.၂၀၀၁၀